Coa chegada do novo mes, toca outra nova historia. Pouco a pouco a porta da biblioteca xa se vai enchendo de libros cos personaxes que xa voltarons aos seus contos. Os Vistalegríns están conseguindo superar todos os retos!!!
É o momento de Cincenta. Libruxa convoca aos representantes para o Consello dos Contos.
- Obxecto máxico: un zapato
- Reto final: Soñar é desexar
A través deste conto queremos salientar o esforzo, a perseverancia e o optimismo da protagonista para conseguir aquelo que persegue, no seu caso cun pouco de axuda máxica. Ademais, nesta historia volvemos a ver eses comportamentos tradicionais que se espera que realicen as mulleres e os homes segundo o que a sociedade “asigna” a ambos sexos a través duns roles de xénero claramente tipificados. Como contraposición a estes estereotipos reforzamos a idea de equidade de xénero onde se elimina a discriminación e os dereitos, responsabilidades e oportunidades non se determinen en función a si se nace muller ou home, se non en función da nosa valía persoal.
Mes da poesía: Adaptaremos a canción das sete palabras máxicas “Bididi-Badidi-Bu” da película de Cenicienta nun correversos onde reescribiremos os seus versos con pareados máxicos para cambiar esas actitudes patriarcias cara a muller e favorecer outras de igualdade, así como salientar os valores positivos que tamén transmite o conto.
Aproveitamos tamén a simboloxía máxica do conto para celebrar o Día da Muller, nesta ocasión collendo o zapatiño de cristal como referente. Crearemos nas zonas verdes do cole un "Xardín da Vida", visibilizando a muller como creadora de vida. Deberán traer da casa un "zapato máxico" no que plantaremos a semente dunha nova planta. Con todos os zapatos crearemos un xardín no cole.
Despois do avance, o programa enteiro:
Ademáis, crearon un noticieiro con noticias divertidísimas sobre diferentes personaxes dos contos: "Contos á Vista. Un telexornal de conto"
