Páginas

27 dic. 2007

A NOSA BIBLIOTECA ESCOLAR: Contextualización

Este é o Blog da Biblioteca do C.E.I.P Vista Alegre que está no concello de Burela. As nosas peculiaridades, tanto as do centro como as das actividades que se desenvolven dende a biblioteca, veñen bastante determinadas polo feito de que dende o ano 1978 levan incorporándose continuamente á nosa poboación amplios grupos de inmigrantes principalmente procedentes de Cabo Verde, de Perú, Colombia... de modo que o noso entorno se volve multicultural, e nós temos a obriga e o deber de dar resposta a esta nova realidade dende múltiples puntos de actuación, polo tanto tamén dende a BIBLIOTECA ESCOLAR. Tende en conta que o 17% dos 200 alumnos matriculados a día de hoxe é alumnado inmigrante.Esto, como poderedes comprobar, está moi presente nas actividades de fomento da lectura que se desenvolven dende a biblioteca.O curso 2005/06 puxemos en marcha por primeira vez o proxecto de xornada continuada o cal actuou como detonante da necesidade de crear un proxecto de biblioteca e solicitar o Plan de mellora de bibliotecas escolares, posto que íamos ter que ter aberta a biblioteca todas as tardes, e ata ese momento carecíamos dela. Só estaban a funcionar como medio de fomento da lectura as Bibliotecas de Aula.Decir que como apoio, para comezar coa rodaxe dunha biblioteca e a programar actividades de animación á lectura, fixemos un grupo de traballo sobre “organización, catalogación e dinamización da nosa biblioteca escolar”, a través do cal contamos coa axuda de diferentes persoas máis expertas que nós neste ámbito e que nos deron grandes ideas para por en práctica, ainda que pouco a pouco. Entre elas destacan Rosa Serdio, Isabel Pemán, Chelo Veiga...