Páginas

24 oct 2023

DÍA DAS BIBLIOTECAS ESCOLARES


    O 24 de outubro celébrase o Día das Bibliotecas, este ano baixo o lema de "Tecendo comunidades", porque iso é o que é unha biblioteca: un lugar de encontros, de convivencia, de descubrimentos...un lugar para compartir experiencias e disfrutar das viaxes a outros lugares a través da lectura. 

        Este curso o lema das Biblitecas Escolares de Galica é "Unha Biblioteca Escolar en Viñetas", para poñer en valor o cada vez maior protagonismo deste xénero nas nosas bibliotecas. Ler cómic tamén é ler e favorece a autonomía lectora dende ben pequeñ@s, ao mesmo tempo que axuda ao desenvolvemento artístico, creatividade e imaxinación. 




          O dia de hoxe, coma sempre no noso cole se poñen en marcha as mochilas viaxeiras, unha maneira de tecer lazos coas familias a través da lectura e do intercambio de opinións sobre as mesmas no cadernos que acompaña a cada mochila.  

             Preparadas para que comecen a circular!!!!!



       Hoxe Libruxa tamén mandou unha mensaxe moi especial para o alumnado de 6ª na búsqueda de voluntarios para que lle axuden no seu traballo diario, que non che é pouco!!!


        A ver cantos e cantas peques se animan. Saberémolo estes días. 

22 oct 2023

DÍA DAS ESCRITORAS


       O 16 de outubro celebrouse o Día das Escritoras, como cada ano dende 2016, para reivindicar a labor  e o legado literario da muller, tantas veces relegado a un segundo plano. 
       
        Libruxa quixo achegar este día aos nosos nenos e nenas coa presentación dun libro de historas titulado "Horripilantes", editado por unha editorial pequeniña, Tres Patas y pico, creada por tres mulleres. 


   
    16 historias monstruosas, 16 actividades para pasalo de medo, 16 curiosidades coas que che explotará o cerebro, escritas maiormente por mulleres. 16 personaxes tan espeluznantes como divertidos e tan monstruosos como entrañables que fixeron as delicias do noso alumnado de Infantil, 1º Ciclo e 3º de E.P
   Agora que se achega o Samaín,  o xoves 19 disfrutaron un bo ratiño do bo facer contando contos de Elena Cienfuegos, escritora dunha das historias. 





15 oct 2023

OUTUBRO: ASAMBLEA DE REINOS E RETO 2

 








      Reto 1.......CONSEGUIDO!!!!!! O dragón Vatra xa ten menos poder porque perdeu unha das súas escamas, en custodia de Libruxa na urna sagrada.  

        Cada reino xa ten o seu nome e o diseño do seu estandarte!!!! 


-3 anos A: Reino das Tartarugas

-3 anos B: Reino das Bolboretas

-4 anos A: Reino Leónidas

-4 anos B: Reino Tornado

-5 anos A: Reino dos Trasnos

-5 anos B: Unirreino

-1º A: Reino das Estrelas

-1º B: Reino Nimbus

-2º A: Os Lumínicos

-2º B: Porcus Tenebris

-3º A: Reino Salvaxe

-3º B: Vistamáxica

-4º A: Reino dos Xabaríns

-4º B: Reino da Ave Fénix

-5º A: Reino de Narpelia

-5º B: Reino das Ideas

-6º A: Reino de Ursi Maris

-6º B: Loquis Mare

     O bruxo sae do seu escondrixo para darlle a Libuxa o RETO 2 e convocar unha nova asamblea na fortaleza dos troncos. Alí debatirase sobre o que hai que facer para cumprir o reto en prazo e quitarlle ao dragón a segunda escama.  Tamén é o momento de presentar os ESTANDARTES xa co diseño finalizado. Moito esforzo e moi bo traballo. Libruxa está orgullosa!!!!

 

     Agora temos que crear un amuleto protector con poderes máxicos para poder protexernos das ameazas externas. Debemos tomar moitas decisións: será un colgante, un anel, unha pulseira....qué materiais empregaremos? Cal será o diseño? 
        Saberédelo moi pronto. Polo de agora os reinos están debatindo e decidindo....

QUE SUCEDE NOS REINOS?


 





     

     E mentras tanto, nos distintos reinos imos entrando en materia e coñecendo un pouquiño non só sobre os dragóns e a nosa cultura popular, se non tamén sobre a Idade Media e cómo era a vida naquela época. 

     Os pequechos andan a aprender os oficios antigos que se remontan á época medieval e algúns están a piques de desaparecer. O alumnado de 4 anos convertiuse en panedeiros e panadeiras por un día e qué rico lles saiu o pan!!!!! 

   


     Outro día, convertíronse en pequenos agricultores e foron sacándolle as vainas ás fabas para facer unha rica ensalada. Alimentación rica e saudable, como antigamente!!!!



    O alumnado de 1ª ciclo comezou a investigar sobre os dragóns e outros seres fantásticos e mitolóxicos, polo que foron visitar o "Bosque Máxico" onde tiñan o reto de atopar diferentes seres encantados, e tamén aproveitaron para aprender máis cousiñas sobre outro oficio case desaparecido, a olería de Bonxe. Alí aprenderon a traballar o barro e cómo antigamente se facían vasixas, pratos, xarras, lavadoras.... 


 

    Os máis maiores tamén aproveitaron estes primeiros meses para visitar a Burela antiga: a Igrexa da Vila do Medio, os lavadoiros, as fontes, o muíño, os cabozos...vestixios de épocas pasadas que debemos respectar e coñecer. 


SETEMBRO: ASAMBLEA DE REINOS E RETO 1

 








     Chegou o momento, o bruxo xa lle deixou a Libruxa o RETO 1. Para poder levalo a cabo convocamos aos representantes dos 18 reinos á 1ª asamblea na fortaleza de troncos. Alí lerán o primeiro reto e debatirán sobre o que significa "estandarte", cómo poden diseñar os seus emblemas, que é un "reino"....

        Logo, voltarán á clase e explicaránlles ao resto dos habitantes do seu reino cal é o reto 1 e todos aqueles acordos aos que se chegaron na asamblea. 

           Xa estamos listos para planificar, diseñar e crear o estandarte e darlle un nome a cada reino!!!! Deste xeito poderemos sacarlle a primeira escama ao dragón e metela na urna sagrada custodiada por Libruxa, de onde non voltará a saír. 



    Así viviron esta 1ª asamblea @s nos@s peques: 

   

PRESENTACIÓN XOGO DE REINOS


 






       Libruxa estivo estes días preparando a presentación do proxecto. Ademáis do vídeo do 1º día para a comunidade educativa, atoparedes os obxectivos do PDI, o itininerario lector para ir selando a medida que se vaian lendo as suxerencias nas titorías, unha bibliografía sobre os dragóns e a Idade Media, para ir entrando en materia e que se atopará exposta no recanto do proxecto. Tamén iremos incluíndo os diferentes retos que terán que superar @s nen@s para derrotar ao dragón Vatra.

  

BENVIDOS A XOGO DE REINOS!!!!!

 

            O dragón Vatra atravesou o portal do tempo e ameaza a armonía e a boa convivencia do cole. Un bruxo baixa do monte para avisar a Libruxa, que debe convocar unha asamblea de reinos...
       
          Así comeza o noso novo PDI e así o presentamos a toda a comunidade educativa o primeiro día de cole: 

    
          Deste xeito creamos expectativas e motivación para o inicio de curso. Os profes aparecimos disfrazados e co estandarte do noso reino para recibir aos peques e ás súas familias. Estarán os nenos e nenas dispostos a axudar a Libruxa a derrotar ao dragón? 

           QUE COMECE XOGO DE REINOS!!!!!!

    Así quedou compartido nas nosas redes sociais: 


REMATAMOS: GUÍA DE VERÁN E REVISTA VISTALEGRÍN

    Imos rematando un curso máis e, como sempre, Libruxa quere deicarvos unha pequenas recomendacións lectoras para o verán.  





    Asimesmo, publicamos a nosa revista Vistalegrín!!!









   Queremos compartir con vós a revista final Erasmus+Journal: Friends for our Planet, onde quedan resumidas todas as actividades destes 3 anos de proxecto europeo compartido cos diferentes coles participantes. 

27 may 2023

DÍA MUNDIAL DO MEDIO AMBIENTE

 


       O 5 de xuño celébrase o Día Mundial do Medio Ambiente, e nós celebramos as nosas festas patronais no pobo. Quixemos conmemorar ambas cousas a través do arte efímero das alfombras florais  e colaborar coa asociación encargada da súa organización.

     Este ano as alfombras están adicadas á INTERCULTURALIDADE e ás diferentes nacionalidades que hai en Burela. Que mellor xeito de facer consciente ao noso alumnado desta variedade étnica, racial e cultural, que tamén ven no propio cole, que participar elaborando un cachiño de alfombra coas diferentes bandeiras de todas esas nacionalidades.

    Así quedou a distribución das clases para comezar coa elaboración a última semana de maio. Para iso tamén pedimos a colaboración das familias aportando diversas flores, verde, elementos da natureza....

       


    Do mesmo xeito, aproveitamos que o concello veu cortar ciprés ao noso cole para que nos deixara un pouco e así poder nós colaborar "cortando no verde", como decimos por aquí. Pasárono xenial no medio das ramas elexindo as follas verdes, cortando, barrendo, colocando nas caixas....


    Xa vos iremos amosando como van saíndo as nosas bandeiras efímeras!!!

    Imos tendo xa algunhas mostras....

     






    
    O día 1 de xuño, o alumnado de 5º de Primaria compartiu unha xornada cos seus compañeir@s do CEIP Virxe do Carme e, en colaboración con medio ambiente, do Concello de Burela, limparon unha praia da contorna, enchendo varios sacos de lixo. Unha fermosa xornada de limpeza e convivencia.