CELEBRAMOS O DÍA DA PAZ: CONTRA O MALTRATO ANIMAL

 



















     Como todos os anos, celebramos o Día Escolar da non Violencia e da Paz. Libruxa prepara o seu expositor temático con suxerencias de lecturas para estes días:

         E tamén envía unha nova carta coa proposta da biblio para conmemorar este día:

        Apareceron neste mes os ecobanderíns en rima para a nova etapa do noso proxecto: as árbores autócotonas dos nosos montes, polo que tamén falamos do respeto e coidado cara ás nosas plantas:

             

  Libruxa tamén propuxo unha tarefa moi especial: construír un muro verde contra o maltrato animal. Seguindo na liña do noso proxecto de centro a actividade pretende concienciar aos nenos e nenas de cara á violencia contra os animais, tema traballado nas aulas ao longo de todo o mes de xaneiro e cuxa tarefa final son as mensaxes que ao longo dese día se foron pegando no muro verde da paz. 

     Para prepararnos no tema e ver que é unha realidade que non está tan lonxe de nós, propuxémoslle ás persoas voluntarias da protectora de animais municipal, "bigotes", que nos viñesen dar unha charla sobre o abandono dos animais, os coidados que requiren, o traballo que realizan elas na perrera....Ao mesmo tempo coñecimos as historias dalgúns dos canciños e gatiños que estiveron ou aínda están alí, e que fixeron emocionar a non poucos nen@s e profes tamén.

   Foi unha experiencia que de verdade mereceu a pena, xa que moitos nen@s non sabían nin da súa existencia, ou a posibilidade de adoptal algúns dos animais que alí viven:

  Tamén concienciamos ao noso alumnado sobre este tema a través de diferentes contos. "Érase unha vez....o respeto polos animais"

     Despois de documentarnos sobre o tema, así foron quedando as nosas mensaxes no muro verde:

 
    Ademáis ese día saímos ao patio a cantar a canción de Roberto Carlos, "Yo quisiera ser civilizado como los animales":

Tamén propoñemos unha serie de recursos de UNICEF con actividades sobre o día da paz para traballar nas aulas: