Como todos os anos celebramos o Día Escolar da non Violencia e da Paz, intentando relacionalo sempre co proxecto de centro e, neste caso, a través dunha pequena acción para loitar contra o cambio climático.
Libruxa preparou o expositor temático con lecturas pola paz:
e enviou unha nova carta aos seus buzóns coa actividade proposta para celebrar este día:
Carta Día Paz by Nazareth on Scribd
A súa proposta titúlase "mensaxes nunha botella" e trátase de mensaxes que irá traendo o mar enganchados nas redes do barco. O alumnado terá que reciclar algunhas botellas de plástico e escribir nun papel decorado diferentes mensaxes de concienciación do uso dos plásticos, dos carburantes...xa que todo, en difinitiva, vai parar ao mar.
Este mes, o 17 de xaneiro, os maiores, coma todos os anos, tamén foron á Casa da Cultura do Concello ver a obra de Teatro Interactivo en Inglés, da compañía Face to Face, titulada "Unboxing Alice":
