Como xa mencionamos na entrada adicada á exposición da Microrrede PLAMBE, "A Mariña pensando en Feminino", este curso a nosa parte da exposición estivo adicada ao traballo e esforzo da muller na organización e elaboración das alfombras florais.
Este ano celébrase o 25 aniversario deste tapiz floral tal e como se elabora actualmente, e dende o cole, aproveitamos este traballo das bibliotecas escolares para que coa colaboración das familias e os nen@s puidesen rendir a súa pequena homenaxe ao esforzo e traballo de tantos anos na elaboración deste tipo de arte efímero.
Grazas á colaboración do Concello e das persoas da organización das alfombras, os traballos das familias en forma de collage, así como as pequenas alfombras que se elaboraron nas clases de plástica das distintas titorías, formarán parte dos actos para conmemorar esta data tan significativa e que se inaugura o domingo 27 de maio.
Poderán vela na sala de exposicións da planta baixa da Casa da Cultura dende o 25 de maio ata pasadas as festas e comprobarán como as xentes de Burela entenden, viven e manteñen esta tradición que xa forma parte da cultura mariñana.
Estas son algunhas das aportacións das familias ao seu sentir sobre as alfombras florais:
Avance dos actos na prensa:
El Progreso dixital: "Varios actos recordarán los 25 años de las alfombras florales de Burela"
El Progreso (24/maio/2018)
