DÍA DO LIBRO 2015

O pasado xoves 23 de abril, celebramos o Día do Libro no noso colexio cunha actividade moi entrañable e compartida: "MADRIÑAS E PADRIÑOS"
As madriñas e padriños (Alumnos/as de 4º, 5º e 6º de Educación Primaria) foron buscar as súas clases os seus afillados/as:  nenos e nenas de Educación Infantil, 1º, 2º e 3º de Educación Primaria. Xuntos elixiron un rincón de lectura no patio do centro para contarlles ou lerlles un conto escollido na Biblioteca Escolar e preparado con moito agarimo para os seus afillados.Todos o pasaron moi ben e pedíronlle a Libruxa repetir a experiencia.

Máis actividades de Animación á lectura

Día Mundial da PAZ 2015

O pasado venres 30 de xaneiro celebramos todos xuntos o Día Mundial da PAZ:

Compartimos un traballo de investigación sobre MALALA YOUSAFZAI, unha nena paquistaní que con solo 17 anos consegue o Premio Nobel da Paz 2014. Unha das súas frases máis célebres é: "Un neno, un profesor, un lapis e un libro poden cambiar o mundo".

Tamén cantamos todos xuntos a canción: "Los niños queremos la Paz" para rematar en paz e con apertas....

NADAL 2014: Guía de Lecturas

Estas son as recomendacións de LIBRUXA para este Nadal ..... Felices Festas!

 

Fai clic na cestiña de libros de Libruxa.....

EDUCAR EN VALORES.....

20 de Novembro: DÍA DA INFANCIA

25 de Novembro: DÍA CONTRA A VIOLENCIA DE XÉNERO

3 de Decembro: DÍA DAS PERSOAS CON DISCAPACIDADE

10 de Decembro: DÍA DOS DEREITOS HUMANOS

30 de Xaneiro: DÍA DA PAZ

CELEBRAMOS O MAGOSTO 2014

O pasado venres 14 de novembro, celebramos todos xuntos a festa do Magosto no colexio. No primeiro vídeo podes ver a nosa exposición de froitos do outono e algúns dos traballos elaborados na área de plástica. O segundo vídeo fai referencia ás actividades levadas a cabo o pasado venres... Desexamos que vos guste.

 EXPOSICIÓN: Froitos do outono

 Celebración do MAGOSTO na escola

SAMAÍN 2014

A continuación, invitámosvos a ver dous vídeos da celebración do Samaín ou "Halloween" na que todo o profesorado e alumnado participou con moita creatividade o pasado xoves 30 de outubro.... Aproveitamos tamén para agradecerlles ás familias a súa colaboración na elaboración dalgunha das cabazas super orixinais :)

1.- Vídeo sobre a exposición das nosas cabazas: (Autora: Tamara Suárez)

2.- Vídeo do obradoiro de cociña terrorífica, degustación e festa: (Autora: Tamara Suárez) 

24 de outubro: Día das Bibliotecas e despedida de Libruxa.

Foi un día moi especial na Biblioteca Escolar do noso centro. Libruxa invitounos para explicarnos os motivos polos que quere viaxar ao País das 1001 Bruxas.... Aproveitou para presentarnos unha boa amiga que coñeceu este verán e que se chama coma ela: LIBRUXA.

Nós, un pouco sorprendidos e tristes pola noticia pedímoslle que se quedara connosco ata despois do Samáin. Tamén queremos darlle a benvida á nova Libruxa e propoñerlle ideas para este novo curso...Imos escribirlles cartas!

 

Na seguinte presentación, podes disfrutar volvendo a ler a preciosa carta escrita por Libruxa....

A carta de Libruxa

MOCHILAS VIAXEIRAS 2014

Un ano máis comeza a viaxe das MOCHILAS VIAXEIRAS que tan boa acollida teñen entre as familias do noso alumnado. Trátase de disfrutar lendo xuntos, buscando ese momento íntimo e tranquilo no que poidamos compartir, soñar, imaxinar.... Cando abrimos un libro, abrimos unha fiestra ao mundo, a moitos mundos, porque grazas a ese libro temos nas nosas mans a ocasión de viaxar, de ver, de coñecer, de aprender, de comprender outras vidas,....

Durante a infancia, a familia é o principal referente en todos os ámbitos polo que debe selo tamén no exercicio da lectura.

Esta "Mochila Viaxeira" é un convite para gozar dos libros en compañía, compartindo con todos vós os sentimentos e as sensacións que vos producen as lecturas que vos propoñemos.

Esperamos a vosa colaboración, convencidos de que co voso esforzo lograremos achegar aos vosos fillos ao mundo da lectura, á mellora da comprensión lectora, o cal incidirá moi positivamente na súa educación.

                     Ánimo, Boas Lecturas e Grazas a todos!