VISTALEGRÍN, a nosa revista

VISTALEGRIN DIXITAL 2014

Xa está publicada unha nova edición da nosa revista escolar Vistalegrín. Recolle moitos dos traballos feitos ao longo do curso.Bótalle unha ollada e seguro que recoñeces moitos deles.

LECTURAS DE VERÁN

SEMANA DAS ARTES PLÁSTICAS DA MARIÑA

 

 

O pasado día 20 de maio tivo lugar na Casa da Cultura de Burela a inauguración da exposición que recolle os traballos realizados polo alumnado do Ceip Virxe do Carme, Ceip Plurilingüe Vista Alegre e IES Monte Castelo. 

É unha pequena mostra do proxecto levado a cabo durante este curso por varios centros educativos da comarca da Mariña que pretende achegar as artes plásticas ao alumnado e darlle un espazo dentro do currículo escolar.

A ARTE QUE NOS RODEA

O alumnado de 5º e 6º do Ceip Plurilingüe Vista Alegre visitou no Cenima en Foz a exposición A ARTE QUE NOS RODEA como actividade final da SEMANA DAS ARTES PLÁSTICAS DA MARIÑA.

Guiados por vari@s artistas da zona achegáronse ás obras alí expostas percibindo as distintas sensibilidades e sensacións que estas lles transmitían.

A arte que nos rodea -  

LEMOS UN CONTO ÁS NENAS E NENOS DE 3 ANOS CO KAMISHIBAI

Actividade con kamishibai

Este mércores os nen@s de 5º A  viñeron á biblio para contarnos o conto

de "O NENO E A ESTRELA" sobre Díaz Castro  co soporte de Kamishibai. Estiveron moi atentos e gustoulles moito a experiencia de que nenos maiores lles conten os contos e, aínda encima, empregando este novo soporte para a lectura de contos. Gracias!!!

SERES MITOLÓXICOS

Os nenos e nenas de 5ºA  estaban moi interesados en coñecer eses mitos que aparecían nas lecturas e na historia de moitos pobos; tamén en lendas que lles escoitaron aos avós e avoas. Entón fixeron un traballo de investigación cuxos resultados podedes ver neste documento.

MADRIÑAS E PADRIÑOS LEN @S AFILLAD@S

Por fin a choiva deu paso ao sol e puidemos facer unha das actividades máis esperadas, as MADRIÑAS e os PADRIÑOS. Levaban xa días co material e os libros escollidos e preparados. Mirade como atenden e engaiolan @s seus afillad@s. TODO UN PRACER estas lecturas compartidas.

AS NENAS E NENOS DE INFANTIL coa POESÍA

LIBRUXA quere que vexades os traballos que están a facer as nenas e os nenos de Infantil relacionados coa poesía e co Día do Libro e que teñen publicado no seu blog.

"DÍA DO LIBRO"

• Blogue de E. Infantil

Este pasado mércores 23 de abril, conmemorouse o DÍA DO LIBRO; na clase da xirafa fixemos uns traballos de poesía sobre o libro ANTOLOXÍA PARA A INFANCIA, con poemas de Rosalía de Castro. Queremos compartir con vós o noso traballo, esperamos que vos guste.

Recitando contos.

• Blogue de E. Infantil

 Na clase do oso escribimos, debuxamos e recitamos contos que son poesía

17 de Maio DÍA DAS LETRAS GALEGAS

Xosé María Díaz Castro (1914-1990) forma parte da chamada “escola mindoniense” xunto con escritores como Cunqueiro, Leiras Pulpeiro, Noriega Varela, Iglesias Alvariño..., mantendo un forte compromiso ao longo da súa vida co noso idioma e a nosa cultura. É autor dun único libro publicado no ano 1961, “Nimbos” que está considerado como unha das obras mestras da poesía galega contemporánea.

Preme na imaxe para acceder a recursos  que nos achegan desde o Equipo de Dinamización Lingüística.