ANTONIO GARCÍA TEIJEIRO. PREMIO NACIONAL DE LITERATURA INFANTIL E XUVENIL 2017

   O galardón concédeo o Ministerio de Educación, Cultura e Deporte para distinguir unha obra de autor español, escrita en calquera das linguas oficiais do Estado, editada en España durante o pasado ano 2016. 

  Dende este pequeno rinconciño de A Mariña, onde o mar tamén é protagonista, e da biblioteca de Libruxa queremos darlle a noraboa a Antonio García Teijeiro polo merecido recoñecemento non só a esta fermosa obra poética, senón a toda a súa labor como poeta, narrador, crítico e especialista en literatura infantil e xuvenil. 

     A nosa pequena homenaxe a este autor é crear un recantiño na nosa biblioteca adicado a "Poemar o mar", con esta obra no atril de Libruxa para que os nen@s a vaian lendo, e un mural que se irá enchendo con debuxos, palabras, ou tamén versos, que os poemas lles vaian suxerindo na súa imaxinación ou con datos da biografía do autor que lles chamen a atención, tamén con poemas doutras das súas obras... 

    Dentro de pouxo veredes o resultado.

   A pequena homenaxe do alumnado de 2º A foi escoller un poema seu para recitar no festival de Nadal e facer o caligrama navideño.

    

antonio G. teijeiro

     

XA CHEGA O SAMAÍN

 Está chegando unha das festas favoritas dos nen@s e xa empezan a visitar a biblioteca seres misteriosos e fantásticos. Libruxa está moi contenta. Tamén é unha festa moi especial para ela. É unha bruxa e xa se sabe...está moi ben acompañada polos seus amigos morcegos, pantasmas, vampiros... Xa está engalanando a chimenea, preparando a súa capa para as ocasións especiais, cepillando ao seu amigo Gato. Imaxinades a de historias que se contarán pola noite, cando están sós? Sen ninguén no cole. 

  Nunha destas noites decatáronse que non chegara aínda ningún monstro. Algo lles tiña que ter pasado. Tiñan que facer algo e a Libruxa ocurreuselle pedirvos axuda para facer un MONSTRUARIO con criaturas incríbles e divertidas que deixarán de estar na vosa imaxinación. E esta foi a carta que vos escribiu e que recibistes xa nos vosos buzóns: 

   SAMAÍN by Nazareth on Scribd

   

   

   Tamén vos deixou unhas plantillas para que fórades decidindo que cualidades terán os vosos monstros, como se chaman, onde viven, os seus poderes...e así, pouco a pouco, ir dándolles a súa peculiar personalidade monstruosa.

   PLANTILLASMONSTRUARIO by Nazareth on Scribd

 

(Esta idea de plantilla está sacada do fantástico blog de Isabel Bermejo:  http://lapiceromagico.blogspot.com.es/

  Libuxa espera con impaciencia que os monstros visiten rápido a súa biblioteca e poder divertirse coas súas historias. 

  

   
  Mentres, ela tamén ten moito traballo: desempolvar os libros de medo dos andeis e encargar algúns novos para os expositores, elaborar unha guía con lecturas terroríficas para este mes do medo que vai comezar....


    

   Concur So Monstruos by Nazareth on Scribd

    Como vedes, para completar a guía na portada e contraportada organizamos un concurso de monstruos. Os nenos e nenas, despois de adiviñar quén era quen a través das distintas descricións que se fixeron, tiveron que votar cal era o seu monstruo preferido e o gañador estaría na portada da guía de Samaín deste ano. Resultou gañador o monstruo da clase de 1ª A

   Halloween Samaín by Nazareth on Scribd

   Todo o alumnado puido elexir as súas lecturas terroríficas nos expositores que estiveron case todo o mes adicados a este tema, ben para subir ás aulas, levar en préstamo ou como animación lectora nas sesións semanais na biblioteca: 

    

        Así foi o noso Samaín: 

samaín 2017

  Os nenos de Educacion Infantil de 5 anos leron a "Carabuñas", un conto que lles encanta, e fixeron o seu mural con títeres de fieltro para represetar a historia: 

RECURSOS:

- https://sites.google.com/site/recursosparaosamain/


- Aquí tedes un pouquiño de lenda:

- De Belén Junquera: 

                                       

- De Carmen Salas:

   Cando visitemos a biblioteca, tamén podemos crear contos de medo grazas a este pequeno taboleiro ao que podemos acceder dende o ordenador e proxectalo na pantalla: 

DÍA DAS BIBLIOTECAS ESCOLARES

O 24 de outubro, coma todos os cursos, celebramos o día internacional das Bibliotecas Escolares. Para este ano propuxemos presentar o cartel que este ano está ilustrado por Xosé Tomás, baixo o lema de "Aprender a pensar coa biblioteca escolar". A ilustración é moi suxerente e por iso a Libruxa lle gustaría que os nenos e nenas fosen ao longo desta semana á biblioteca e "pensasen" que lles suxire o cartel, debatesen e falasen sobre a importancia da biblioteca na súa aprendizaxe, sobre o que fan na biblioteca, o que lles gusta ler... 

   Do mesmo xeito, todas as aulas prepararon un "buzón de libruxa" para presentarlles aos nenos e nenas neste día e que colocarán na porta de cada clase. Así, cada vez que Libruxa queira contarlles algo, prepararlles unha actividade, ou suxerirlles algunha lectura, escribiralles unha carta que lerán na clase.

   E xa lles deixou a benvida:

   Ola a todos by Nazareth on Scribd

   E así é, a biblioteca comeza a estar aberta no tempo de lecer coa axuda dos nosos colaboradores voluntarios de 6º nivel e as profes que faremos garda xunto con eles para axudarlles un pouquiño nas dúbidas que teñan. Aproveitaremos para facer con eles algunha sesión de formación de usuarios para que podan usar o programa Meiga, saiban cómo colocar os libros nos andeis correspondentes e así axudar aos nen@s que veñan preguntar por algún libro que desexen levar. Libruxa xa informou a todo o centro:

   Carta Voluntarios by Nazareth on Scribd

        E estas son as quendas dos voluntarios, das profes e dos días que pode vir cada nivel á biblioteca para elexir os seus libros de lectura:

   Volunt a Rios by Nazareth on Scribd

   Ademáis Libruxa propónlle ao alumnado que suxira lecturas para colaborar na actualización do noso fondo de libros, tanto de consulta como de ficción, así como a parte adicada á música ou a aqueles libros de realidade aumentada, que foron bastante solicitados.

  

BENVIDOS DE NOVO!!!!

     Un novo curso Libruxa volve a abrir as portas da nosa biblioteca. Xa rematou o verán e, como todos nós, recargou pilas e volve con moitas ganas de propoñervos actividades novas e lecturas moi interesantes e cheas de fantasía e emocións. Ao longo destes meses que compartiremos con ela espera traer moitas novidades e propostas que vos fagan disfrutar coa lectura cada día un pouco máis.

     Libruxa xa ten listas as mochilas viaxeiras para que veñades á biblioteca cos vosos titores/as a buscalas e así empecen a súa viaxe polas distintas familias de cada clase.

       

       Este curso tamén está buscando colaboradores no alumnado de 5º e 6º para axudar a ordear os libros, facer o préstamo aos compañeiros, aportar suxerencias...xa que lle gustaría abrir a biblio durante o tempo de lecer e necesita mooooita axuda.  

         O 24 de outubro xa se celebra tamén o día das Bibliotecas Escolares  baixo o lema "Aprender a pensar coa Biblioteca Escolar". 

       Aproveitaremos ese día para ir cos nosos nenos e nenas á biblioteca, ensinarlles o cartel e escoitar o que este lles suxire e lles transmite: unha biblioteca escolar vista como unha oportunidade única para axudarlles a desenvolver o seu pensamento crítico, aprender a pensar a través dos contos, da poesía, do teatro, da música, das lecturas de divulgación científica, a través das investigacións, a través do diálogo e das actividades alí compartidas. 

           Libruxa agarda deste xeito que disfrutedes coas súas lecturas e que a súa biblioteca se convirta nun espazo agradable para aprender, investigar e ler.