A BIBLIOTECA DE "LIBRUXA".

DÍA DA PAZ: 30 de xaneiro de 2012

2012-02-09T20:47:00.003+01:00

A slideshow by Smilebox

CAZA DO TESOURO

2012-02-01T22:18:00.015+01:00

LIBRUXA está feliz pola participación do alumnado nesta actividade, foi case do cen por cen. Mirade como estaba a biblioteca na hora do recreo cando pasaron a recoller o "tesouro".

CAZA DO TESOURO

2012-01-30T14:10:00.003+01:00

LIBRUXA está moi contenta pola ampla participación na actividade da CAZA DO TESOURO e espéravos o mércores no recreo para que recollades o "tesouro". Tamén quere que lle comentedes a dificultade da pista 4, pois parece que non todos os equipos foron capaces de facela (haberá que reler o libro).

DÍA DA PAZ caza do tesouro

2012-01-16T21:34:00.003+01:00

LIBRUXA proponche un divertido xogo con motivo do DÍA DA PAZ.

A CAZA do tesouro para 2º e 3º ciclo de primaria.Sigue lendo e verás o que tes que facer (na biblio podes recoller información)

No expositor da biblioteca tedes algúns dos libros que falan da
paz e a convivencia.

Formade un equipo de 4 persoas e contestade a estas preguntas relacionadas con algúns deses libros, se as contestades todas teredes un “tesouro”.

Pistas:
1-Hai un libro que ten por título os nomes de dúas cores.
Cal é ese libro?...................................................
Quen o escribiu?................................................
De que editorial é o libro?...............................
Para que ciclo está recomendado?………………….

2-Como se titula o libro no que os protagonistas son os dous monstros?..........
………………………………………………………………………………………
Onde viven?......................................................
Por que non se entenden?..............................
………………………………………………………………………………………

3-De que país era muller que foi premio Nobel da paz?...................................................
Como se chamaba?..........................................
Que proxectos levou a cabo?.........................
De que editorial é o libro que nolo conta?..
……………………………………………………………………………………..

4- Abre o libro de Fina Casalderrey no que Alex ten un problema no zapato. Que lle pasou?................................................................................................................................................
Como se chama o pai deAlex?........................
Que profesión ten?...........................................
Como se chama a súa nai?.............................
En que traballa?...............................................

Por suposto a busca non pretende ser competitiva e tod@s os que atopen os 4 libros recibirán un tesouro.

DÍA DA PAZ

2012-01-16T21:18:00.004+01:00

O 30 de xaneiro é o DÍA ESCOLAR POLA PAZ. Se queres saber moitas cousas deste tema podes facer este caderno que propón Libruxa e que che axudará a buscar a información precisa.

RECORDANDO O NADAL 2011 ....

2012-01-08T21:26:00.003+01:00

Para ver o pase de fotos, darlle a "PLAY" e despois acórdate de darlle outra vez a lampadiña (Play)....

33 RAZÓNS PARA LER EN NADAL

2011-12-17T19:01:00.001+01:00

Para vivir más.

Para detener el tiempo.

Para saber que estamos vivos.

Para saber que no estamos solos.

Para saber.

Para aprender.

Para aprender a pensar.

Para descubrir el mundo.

Para conocer otros mundos.

Para conocer a los otros.

Para conocernos a nosotros mismos.

Para compartir un legado común.

Para crear un mundo propio.

Para reír.

Para llorar.

Para consolarnos.

Para desterrar la melancolía.

Para ser lo que no somos.

Para no ser lo que somos.

Para dudar.

Para negar.

Para afirmar.

Para huir del ruido.

Para combatir la fealdad.

Para refugiarnos.

Para evadirnos.

Para imaginar.

Para explorar.

Para jugar.

Para pasarlo bien.

Para soñar.

Para crecer.

Victoria Fernández

Directora de la revista CLIJ

AS NOSAS RECOMENDACIÓNS PARA ESTE NADAL

2011-12-16T14:06:00.006+01:00

Aquí tedes a guía de lecturas para o Nadal con sexerencias para tod@s.
Que mellor regalo que un libro?

LIBRUXA e o equipo da biblioteca deséxanvos un bo Nadal e un ano 2012 cargado de bos momentos de doces lecturas.

DÍA INTERNACIONAL DA ELIMINACIÓN DA VIOLENCIA CONTRA AS MULLERES

2011-11-23T21:19:00.006+01:00

A violencia contra as mulleres preséntase de variadas maneiras e afecta a moitas persoas do mundo. Dende a escola traballemos para acabar con esta lacra social.
Agradecemos á biblioteca do Ceip Víctor Saenz a súa recopilación de recursos e ao Ceip Andrade este conto da " BRUXA PANDORA", unha compañeira de LIBRUXA .

BIBLIOTECAS ESCOLARES DE GALICIA, UN EXEMPLO

2011-11-17T21:04:00.003+01:00

Este vídeo foi rodado en centros do Plan de mellora de bibliotecas escolares de diferentes recunchos de Galicia, e presentouse no Congreso Bibliotecas Escolares en Tránsito, celebrado en Compostela os días 10, 11 e 12 de novembro, organizado pola Consellería de Educación en colaboración co Ministerio de Educación.
As imaxes exemplifican a distribución de espazos nas novas bibliotecas, e algunhas das actividades que o alumnado realiza nelas día tras día.

CUENTOS SILENCIOSOS

2011-11-16T18:52:00.003+01:00

LIBRUXA agasállanos con unha obra de arte de LACOMBE, CUENTOS SILENCIOSOS, un libro que invita a disfrutar da imaxinación con oito escenas de teatro para contar, para que as palabras voen, ou para que queden presas, porque as imaxes abondan para nos deixar boquiabertos. Porque tamén ás veces sobran as palabras e convén o silencio.

COMO É UNHA BIBLIOTECA

2011-11-14T20:35:00.004+01:00

Desde a biblioteca CANISTREL comparten este video conto sobre os Bolechas titulado "Os Bolechas queren saber... como é unha biblioteca". Unha ferramenta útil para a formación de usuari@s.

SAMAÍN

2011-11-06T19:56:00.007+01:00

Entre cabazas medoñentas unhas, aterradoras outras, contos de medo medísimo, nenos e nenas vampiros e monstras, pasamos o SAMAÍN.
O alumnado de 5º e o de 3º deleitounos coas cancións "The skeletons dance" e "O esqueleto" de Migallas acompañadas das súas coreografías.
Como remate vimos a peli "La novia cadáver".

XOGO DOS EDIFICIOS ENCANTADOS

2011-11-02T20:39:00.005+01:00

Chéganos o xogo DOS EDIFICIOS ENCANTADOS desde o Ceip Esteiro (Ferrol) e dínnos que é un xogo sinxelo e fácil no que terás que ler e ordenar información dos relatos de casas, torres e castelos encantados que atoparás na páxina GALICIA ENCANTADA.
Está pensado para o alumnado de 4º a 6º de primaria

MOCHILAS VIAXEIRAS

2011-10-05T20:19:00.008+02:00

Outro curso máis comezan a súa andaina as MOCHILAS VIAXEIRAS. Son once mochilas cargadas con lecturas moi variadas para que toda a familia disfrute lendo. Teñen moi boa acollida xa que son solicitadas por todo o alumnado, desde infantil de 3 anos a 6º de primaria.

Os libros non teñen idades e as súas palabras, os seus debuxos, sempre espertarán en nós un montón de sensacións. Ler para nós e para os nosos fillos e fillas. DISFRUTADE DESE MOMENTO DE LECTURA XUNTOS.

COLABORADOR@S NA BIBLIOTECA

2011-10-05T20:19:00.007+02:00

Aquí se presenta o numeroso grupo de colaboradoras e colaboradores cos que conta LIBRUXA. Xa levan varios días traballando na biblioteca durante os recreos. Desde logo que a súa labor é importantísima e xa son excelentes bibliotecari@s.

GRAZAS a todos e todas.

ORGANIZACIÓN DA BIBLIOTECA

2011-09-26T16:54:00.002+02:00

Coa axuda desta guía coñecerás como están organizados os libros na nosa biblioteca. Seguro que acabarás sendo unha gran experta ou un gran experto á hora de buscar libros e outros materiais que podemos atopar na biblioteca.

QUE BONITO É PANAMÁ

2011-09-25T17:34:00.003+02:00

Poñendo a punto a biblioteca atopamonos con libros clásicos da literatura infantil escritos e ilustrados por Janosch na editorial Alfaguara e que agora Kalandraka está reeditando en galego. Para que vos animedes a lelos aquí tedes "QUE BONITO É PANAMÁ ", unha historia deliciosa que fai reflexionar a grandes e pequenos sobre o que temos diante e non vemos, sobre o valor do que posuimos, e sobre o valor da amizade incondicional baseada no respecto á diferencia, na complicidade e na comprensión.

CHEGOU O OUTONO

2011-09-25T17:23:00.004+02:00

Aínda que en Burela non se nota moito, o 23 de setembro deu comezo o OUTONO. Atoparás información e recursos sobre esta estación do ano premendo AQUÍ.

BENVIDAS, BENVIDOS!!!!

2011-09-19T21:54:00.007+02:00

Ola!, aquí estamos de novo coa ilusión de un novo curso. Estamos poñendo todo a punto para que o día 3 de outubro poidas visitar a LIBRUXA e coñecer algunhas das súas propostas.

Este é o cartel deste curso para a difusión das BIBLIOTECAS ESCOLARES

SAÍDA A CANGAS

2011-06-29T19:52:00.005+02:00

E como punto final: CAMIÑATA A CANGAS!!

Preparamos mochilas e andando por camiños do monte durante máis dunha hora chegamos a Cangas. Alí xogamos e tamén repuxemos forzas para o camiño de volta ao cole.

UFFFFFFFF! chegamos un pouco cans@s , merecemos unhas

FELICES VACACIÓNS

FESTIVAL

2011-06-29T18:24:00.006+02:00

Aquí tedes unha mostra do festival fin de curso. Houbo teatro e moito baile. Tod@s disfrutamos un montón.

LIBRUXA PREMIA @S MÁIS LECTOR@S

2011-06-29T17:42:00.004+02:00

No final do curso LIBRUXA tamén fixo balance do traballo feito e unha das cousas das que está orgullosa é das boas e bos lectores que a visitan, por iso quixo facerlles entrega dun diploma e dun agasallo a aqueles nenos e nenas que máis libros leron de cada clase.

PARABÉNS A TOD@S

25 ANIVERSARIO DO CEIP VISTA ALEGRE

2011-06-13T20:39:00.003+02:00

Estamos coa celebración do 25 aniversario do colexio e esta semana están programados varios actos con este motivo.

Concurso "adiviña quen é?"Na entrada do edificio atopamos un gran crucigrama con fotos do profesorado e persoal non docente cando era pequeno e trátase de completalo.

O mércores teremos un concerto de Música.

O xoves ás 17h na biblioteca celebraremos unha mesa redonda que estará composta por pais, nais, alumnado e profesorado da primeira época do cole e tamén da actual. Será bonito compartir vivencias.

O venres pola mañá xogos populares e pola tarde festa organizada pola ANPA.

Para rematar, o sabado disfrutaremos dunha comida con todas aquelas persoas que estiveron ou están relacionadas co colexio.

Na aula de Psicomotricidade podemos ver fotos, vídeos, periódicos que resumen a vida do centro nos 25 anos de existencia.

ALUMNAS MÁIS LECTORAS NO CURSO 2010/2011

2011-06-13T20:30:00.005+02:00

Alumnas campeonas de lectura nos seus cursos:

Noa Miguélez de Acevedo 1º
Ana Rapa Casariego 2ºA
Ashley Muñante Carranza 2ºB
Claudia Pernas Dayán 3º
Ana Díaz Carracedo 4º
Isabela Lawicki Aragón 5ºA
Aida Maside Gil 5ºB
Claudia Teijeira Rey 6º

LIBRUXA entregaralles un agasallo o xoves na hora do recreo.
FELIZ VERÁN E BOAS LECTURAS Á SOMBRA!!!!!

A INSOPORTABLE LEVEDADE DAS BIBLIOTECAS ESCOLARES GALEGAS

2011-06-02T11:32:00.002+02:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.
Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

MADRIÑAS E PADRIÑOS

2011-05-31T22:54:00.002+02:00

Por fin as madriñas e padriños de 3º, 4º, 5º e 6º puideron agasallar ás nenas e nenos de Infantil e 1º ciclo contándolles un conto. E desde logo que non será a última vez. Emocionaba vel@s contando e escoitando esparcid@s por todo o recinto. A lectura como efecto integrador!!!

ACTIVIDADES LIM "COMER SÁ"

2011-05-26T08:49:00.013+02:00

Con estas actividades LIM podedes repasar todo o que temos traballado no proxecto "COMER SÁ" e ademais practicar o inglés pois está pensada para compartir cos paises do Comenius.

SALVANDO LIBROS

2011-05-18T20:51:00.011+02:00

LETRAS GALEGAS. SALVANDO LIBROS

SALVANDO LIBROS

Que libro salvarías ti?

Esta exposición xorde dun traballo colaborativo entre 96 bibliotecas escolares galegas e pretende ser unha chamada de atención sobre a importancia de apreciar, coidar e manter o noso patrimonio cultural escrito.
Pretendemos difundir a idea de que é imposible destruír os libros e os valores que neles se transmiten se somos quen de conseguir que formen parte de nós para sempre.

Maio 2011

Queremos dar moi especialmente as grazas a Jaime Eizaguirre Santillán, ex-alumno do IES Sánchez Cantón, que unha vez máis deseñou estes carteis tan fermosos para facer posible a actividade.

Podedes ver o perfil de Jaime, arquitecto e debuxante, aquí

e algunhas das interesantes cousas que fai aqui

e tamén aquí….

Grazas de novo, Jaime, pola túa xenerosidade

Moitísimos libros están a ser salvados nas nosas bibliotecas, que organizan as súas propias exposicións e actos.

Esta é só unha pequena escolma dos que representan a cada un dos centros que participaron na actividade.

Salvar un libro consiste en aprender de memoria un pequeno fragmento para simbolizar a asimilación de todo o seu contido. Entón xa seremos unha persoa-libro e poderemos preservalo para sempre.

A idea está baseada na obra de Ray Bradbury “Fahrenheit 451”.

Esta é a escolma de libros que representan aos centros de Educación Infantil

Esta é a escolma de libros que representan aos centros de Educación Primaria

Esta é a escolma de libros que representan aos centros de Ensino Secundario e algúns persoeiros relacionados co mundo das letras e a cultura

ESTA ACTIVIDADE FOI COORDINADA DESDE AS BIBLIOTECAS ESCOLARES:

IES LUIS SEOANE DE PONTEVEDRA

ESCOLA UNITARIA DE VIDE

EU FALO ASÍ

2011-05-16T19:00:00.001+02:00

Aquí tedes un fermoso vídeo clip coa canción "CRI CRI" de A NENA E O GRILO

A NENA E O GRILO

2011-05-16T18:05:00.003+02:00

A AMPA do colexio, con motivo das Letras Galegas, trouxonos o espectáculo A NENA E O GRILO. Con Magín Blanco, unha das figuras máis senlleiras do pop galego, e Charo Pita cantamos e ata bailamos.

COMER SÁ

2011-05-09T21:12:00.003+02:00

COMER SÁ é o proxecto interdisciplinar que estamos a traballar neste curso. É impresionante a cantidade de material que está saíndo das distintas aulas: libros de froitas, de verduras, de receitas, esquemas que recollen os conceptos traballados, actividades LIM que preparou a profe Rosana e na entrada do cole hai unha enorme pirámide que representará moitas das cousas estudadas.
Unha das actividades foi un taller con Mercedes Rodicio, pediatra do Hospital, coa que repasamos a roda dos alimentos, elaboramos o menú dun día e comprobamos se era sá e equilibrado.

Mirade as fotos

LETRAS GALEGAS

2011-05-09T20:51:00.004+02:00

Neste mes das Letras que tan atarefad@s andamos SALVANDO LIBROS, APADRIÑANDO lector@s , preparando o xogo da OCA, aínda temos tempo para recordar que este ano o día das LETRAS GALEGAS está adicado ao poeta monfortino LOIS PEREIRO. Para saber del e da súa obra enlazamos co RECANTO DE MIK e atopamos recursos que nos axudarán.

ENCONTROS PLAMBE

2011-05-09T20:44:00.002+02:00

Velaquí un vídeo resume dos Encontros do Plan de mellora de Bibliotecas Escolares 2010/2011, que tiveron lugar en Santiago de Compostela os pasados 7 e 8 de abril, coa asistencia dos responsables das 374 bibliotecas integradas no presente curso neste programa da Consellería de Educación.

Sempre volvemos coas pilas cargadas e un montón de experiencias. Neste enlace tes acceso a todo o material.

VISITA Á BIBLIOTECA MUNICIPAL

2011-04-28T19:17:00.006+02:00

Os nenos e as nenas do 1º Ciclo visitamos a biblioteca municipal de Burela.

Estivemos moi atent@s ás explicacións que nos deron.

Cando nos fumos déronnos uns agasallos. Gustáronnos moito!

SESIÓN DE ANIMACIÓN

2011-04-28T18:29:00.005+02:00

O pasado día 14 de abril tivemos dúas sesións de animación na biblioteca, unha co 1º ciclo de Primaria sobre o libro UN BAÚL LLENO DE LLUVIA de Ana Rossetti e outra co 2º ciclo sobre CUENTOS EN VERSO PARA NIÑOS PERVERSOS de Roald Dahl.
LIBRUXA contoume que estiveran moi participativos e que todos os nenos e nenas tiñan lido os libros.

Desde logo que hai moi bós lectores e lectoras!

SENDERISMO POLA BEIRA DO RÍO EO

2011-04-27T20:06:00.003+02:00

O alumnado do 2º ciclo foi de excursión a Lugo onde visitou a Diputación Provincial e a Fundación TIC. Alí puido comprobar como son os platós de televisión e como todo o que vemos na TV non ten porque ser real.

Despois comeron en Ribeira de Piquín e fixeron unha ruta de sendeirismo pola beira do río Eo. Comprobade a beleza e tamén a dificultade do camiño. Xa son uns intrépidos camiñantes.

Voltaron moi felices

23 DE ABBRIL, DÍA MUNDIAL DO LIBRO E DOS DEREITOS DE AUTOR

2011-04-19T17:20:00.005+02:00

As Bibliotecas Escolares non poden pararse, e menos neste mes de abril, que vén cargado de encontros, soños e actividade arredor do libro e da lectura. O vindeiro 23 de abril, aínda que sexa período vacacional, non pasa desapercibido. Este Día Mundial do Libro e dos Dereitos de Autor, é un día para reivindicar eses "lugares para a lectura" que construímos entre os lectores e os libros (calquera que sexa a forma que estes libros acaben tomando).

O poeta Carlos Negro agasallou ás Bibliotecas Escolares Galegas cun fermoso texto, "O lugar da lectura", e a Consellería de Educación editou con el un marcapáxinas para celebrar este 23 de abril de 2011. Agradecemos a Carlos Negro as fermosas imaxes do seu texto, aproveitamos para poñer a bufanda colorada e saímos pasear pola fenda do espello.

No Recanto de Mik atoparás unha recopilación de recursos e actividades para utilizar nas aulas.

O ALUMNADO DO 2º CICLO ESTIVO NA GRANXA ESCOLA

2011-04-04T13:07:00.003+02:00

Os nenos e nenas do 2º ciclo fomos á GRANXA ESCOLA DE BARREIROS en Sarria.

Foron días xeniais. Sentímonos alegres, cheos de vitalidade e con moita responsabilidade. Foi moi importante afrontar o reto de estar tres días fóra da nosa casa.

Ao final acabamos agotadas e agotados, pero mereceu a pena.

Fixemos un montón de actividades e talleres:

coidamos os animais

recollemos prantas aromáticas para facer un herbario

observamos aves e completamos un caderno de campo

visitamos unha charca

construimos fornos solares

fixemos papel reciclado

preparamos hamburguesas de soia

Non todo foi traballo, tamén xogamos e bailamos un montón.

MARATÓN DE LECTURA

2011-03-23T16:21:00.007+01:00

O pasado 22 de febreiro o alumnado de 4º participou no maratón de lectura organizado pola Biblioteca Municipal de Burela.
En grupos na biblioteca prepararon lecturas de diferentes autor@s galeg@s e o martes 22 foron en autobús ata o salón de plenos do Concello ás 9,30h. para ler os textos escollidos.
Mirade que ben o fixeron.

O Antroido 2011 no Colexio

2011-03-22T21:45:00.001+01:00

Os nenos e nenas de 6º curso fixemos unha selección de fotos da Festa do Antroido celebrada no noso colexio o venres 4 de marzo. Logo na clase inglés coa axuda da nosa axudante americana Katy fixemos a seguinte montaxe en inglés co programa Smilebox. Esperamos que vos guste....

SEMANA DA PRENSA

2011-03-14T22:38:00.000+01:00

Na semana da prensa, LIBRUXA proponnos aprender moitas cousas sobre os xornáis. Segue as súas indicacións no Caderno que che preparou e verás que fácil....Fai click encima de Mafalda....

CONTACONTOS PARA INFANTIL

2011-03-13T21:21:00.003+01:00

Os contacontos de Kalandraka visitaron a nosa biblioteca e con eles divertímonos escoitando nos contos, escoitando música e cantando.
Pasámolo moi ben e esperamos que axiña volvan polo noso cole.

ABRAHAM CARREIRO ENCANDILOU AOS NENOS E NENAS DE 1º CICLO

2011-03-13T16:54:00.004+01:00

O pasado día 22 de febreiro visitounos o ilustrador Abraham Carreiro.
Xa previamente disfrutáramos cos seus libros debuxando aos protagonistas das diferentes historias.
Ese día foi máxico, vimos como Abraham facía os debuxos con moita facilidade enchendo de súpeto unha pizarra cos personaxes dos contos.

Aquí tedes unha pequena mostra da actividade.

SABEMOS COUSAS DO ENTROIDO

2011-02-19T18:47:00.005+01:00

Xa sabemos que tedes os disfraces decididos e en marcha e que serán moi saudables e con moi bo sabor...; pero para coñecer moitas cousas do ENTROIDO preme na imaxe e accederás á web da Coordenadora Galega de Equipos de Normalización e Dinamización Lingüística na que atoparás moitos recursos que podes poñer en práctica.

Tamén en VIEIROS tes un monográfico e no blog CADERNOS DE VIDE facilitannos máis actividades.

Con todo este material aprenderemos moito.

MES DO AMOR ...CON HUMOR

2011-02-14T20:38:00.003+01:00

LIBRUXA ten as planillas para que participes en dúas actividades neste mes de febreiro, que é o mes do AMOR, ... con HUMOR.
Nunha proponche facer un debuxo baixo o título:
E TI, A QUEN QUERES MÁIS?
e na outra a proposta é:
DILLE CANTO A QUERES CON 25 PALABRAS

Haberá agasallos para tod@s as participantes. ANÍMATE e deixate querer!!!!

DÍA DA PAZ 2011

2011-02-06T23:09:00.003+01:00

O luns 31 de xaneiro, conmemoramos no colexio o Día da Paz para o que se fixo un traballo previo de investigación na biblioteca escolar. O alumnado despois de escoitar ou ler contos relativos á Paz, tivo que responder a unhas preguntas alusivas a este tema e posteriormente descubrir a través dunhas pistas, pezas que posteriormente servirían para construir un puzzle. Ao mesmo tempo dende a clase de música e inglés preparouse a canción "Wind of change" do grupo Scorpions. Podedes ver o resultado no vídeo seguinte.

OS ECOSISTEMAS - 4º primaria

2011-02-06T19:59:00.012+01:00

O alumnado de 4º de Primaria estivo a traballar sobre os Ecosistemas e o resultado das súas búsquedas e investigacións presentáronas en formato dixital. Todo un luxo!!!

Cada grupo ten o seu enlace; preme neles e iralos vendo.
Katia e Xisela

Aida, Alexi e Antón

María e Yaiza

Jairo e Martín Rodríguez

Asier, Carlos e Sergio

Ainhoa e Mario

Ana, Carla e Risiana

Manuel e Yeremay

Martín Tojeiro, Marta e Saúl

Alfonso, Michael e Diego

RECURSOS PAZ

2011-01-28T14:50:00.004+01:00

RECOPILACIÓN DE RECURSOS PARA A PAZ elaborados polo equipo de biblioteca do CEIP VÍCTOR SAENZ (Mazaricos).
Grazas compañeiras por tan excelente traballo!

Contoume Libruxa que a biblio está moi animada estes días. Parece que os nenos e as nenas andan moi atarefados resolvendo as probas da CAZA DO TESOURO. O luns día 31 teñen que ter todas as pezas do crebacabezas!

DÍA INTERNACIONAL DA PAZ E A NON VIOLENCIA

2011-01-24T20:40:00.007+01:00

A pomba é un símbolo da PAZ. Preme nela e accederás a moitos recursos que prepararon as bibliotecas escolares para que aprendas moitas cousas sobre o DÍA INTERNACIONAL DA PAZ E A NON VIOLENCIA que se celebra o 30 de Xaneiro. Grazas a todas elas por tanto traballo compartido.

LIBRUXA tamén preparou unha CAZA DO TESOURO para que cada curso resolva as pistas que lles irá dicindo aos vosos profes. Na biblioteca atoparedes unha selección de libros e outros materiais que teredes que utilizar para logralo. Sorte!!!

BODEGÓNS

2011-01-18T16:58:00.003+01:00

Dentro do proxecto COMER SA o alumnado de 3º e 4º curso estivo traballando sobre os bodegóns e deixáronnos esta mostra. Tamén poderás velos expostos no cole.

BODEGÓNS

View more presentations or Upload your own.

LA OVEJITA QUE VINO A CENAR

2011-01-17T20:37:00.003+01:00

La ovejita que vino a cenar

Outro conto entrañable.

Disfrutádeo.

O SOLDADIÑO DE CHUMBO

2011-01-16T17:01:00.002+01:00

O soldadiño de chumbo

Unha adaptación do clásico de Andersen aos novos formatos dixitais levada a cabo por Xabier Senín a partires da multipremiada curtametraxe animada feita por Continental Producciones e Algarabía Animación. Os deseños son de Alfonso Costa, a música de Emilio Aragón e as voces de Manuel Manquiña e Luis Piedrahita. A ambientación: no museo do xoguete de Allariz.

SORPRESAS NA BIBLIOTECA

2011-01-16T16:28:00.012+01:00

Á volta das vacacións LIBRUXA deunos varias sorpresas.

A 1ª foi que a atopamos toda "repintada", con novas córes nas paredes. Está moi guapa.

A 2ª sorpresa foi para as colaboradoras e colaboradores; tíñalles preparadas unhas gorras para utilizaren cando fan o seu traballo.

E a 3ª e última sorpresa foi

que nos tiña preparados un montón de libros relacionados co proxecto COMER SA.

Así que nada máis chegar houbo que poñerse a traballar.

OS TRES BANDIDOS

2010-12-20T21:07:00.003+01:00

Aquí tedes o 1º agasallo de Nadal. Por se queda no cole alguén que non coñeza o conto "OS TRES BANDIDOS"

REGÁLAME UN LIBRO....ou DOUS

2010-12-17T21:37:00.012+01:00

Estamos desexando que cheguen as vacacións de NADAL. Como é unha época de agasallos, queremos dar unha pequena axuda á hora de facer as compras e recomendamos unha serie de libros que abarcan todas as idades e que nos farán disfrutar coa súa lectura. QUE MELLOR REGALO QUE UN LIBRO, QUE ME VAI PERMITIR VIVIR MOITAS VIDAS! Abre o libro para ver a guía

10 de decembro DÍA DOS DEREITOS HUMANOS

2010-12-09T16:00:00.004+01:00

Neste día celébrase o aniversario da DECLARACIÓN DOS DEREITOS HUMANOS por parte de NACIÓNS UNIDAS.

Atoparás moitos recursos para traballar e saber máis destes dereitos que a todos e todas nos pertencen, neste enlace que te levará ao blog O RECANTO DE MIK

INFORME PISA

2010-12-08T19:08:00.006+01:00

Queremos sumarnos ao debate e ás reflexións que debemos facer despois da publicación do informe Pisa. Reproducimos o publicado no blog AS ZOCAS FALADORAS co que coincidimos na totalidade

Reflexións sobre os datos PISA 2009, Bibliotecas Escolares e Ensino.
Onte publicáronse as conclusións das probas PISA do 2009: O alumnado galego mellora os seus resultados en comprensión lectora situándose por encima da media española –cinco puntos por encima da media e sete puntos máis adiante con respecto ao 2006- así mesmo progresa en competencia matemática (materia ata agora impartida en galego).
Estes datos lévannos a reflexionar sobre esta evolución que se relaciona directamente coa lingua e coa lectura; fálase de competencia lectora e ao tempo fálase das materias de lingua e literatura e ninguén menciona o labor levado adiante durante estes anos das Bibliotecas Escolares, ou citar os Clubs de lectura dos nosos centros de ensino, algo terán que ver con esta mellora, non si?

Desde o meu punto de vista é un labor día a día, lectura a lectura, o noso traballo non é estritamente académico e non por iso menos rigoroso, o alumnado acode a nós para ler e nós abrímoslles portas ao lecer mais tamén á información, a comprensión lingüística, a competencia lectora, a alfabetización…
Relacionado con estes datos de PISA está tamén o futuro do ensino: Son a lectura, a busca de información, a síntese e a análise dos textos o eixe central da aprendizaxe, unha aprendizaxe actual acorde cos novos medios de comunicación e as novas tecnoloxías?. Descartaremos por fin o libro de texto como único recurso e levaremos aos nosos alumnos ás biliotecas para consultas miquis, webs educativas, xornais

dixitais, blogs, bibliotecas virtuais?
Mellorarán entón os resultados do informe PISA?

FÁBULAS

2010-12-02T20:16:00.012+01:00

As nenas e nenos de 4º de Primaria estiveron a traballar as fábulas.
Organizáronse en grupos e buscaron na biblioteca. Cada grupo escolleu unha fábula e este é o traballo que presentaron.
Non está mal, verdade?

Fábulas 4º curso

3 DE DECEMBRO DIA DA DISCAPACIDADE

2010-12-02T18:18:00.003+01:00

As compañeiras do CEIP de PAZOS e do CEIP A DOBLADA regaláronnos este precioso conto para que non esquezamos mirar con máis sensibilidade a aquelas persoas diferentes.

El Cazo de Lorenzo

View more presentations or Upload your own.

MAGOSTO 2010

2010-11-21T16:06:00.003+01:00

O pasado venres 12 de novembro celebramos o MAGOSTO no noso colexio.

Podedes ver na presentación o que fixemos... Darlle a "PLAY" e logo"Full Screen"(Pantalla completa) para ver ben as fotos....

Os Dereitos dos Nenos e Nenas

2010-11-18T17:51:00.013+01:00

A Declaración dos Dereitos do Neno foi aprobada pola ONU en 1959 e dende entón, en todo o mundo, cada 20 de novembro celébrase o DÍA INTERNACIONAL DA INFANCIA.
Aquí atoparás os 10 dereitos que todas as nenas e nenos teñen.

E AQUÍ accederás a unha excelente recopilación de recursos facilitados pola biblio Milladoiro.

Entra na páxina de Rayuela e aprenderás, xogarás e te divertirás.

O LIBRO DA NOSA BIBLIOTECA

2010-11-11T22:05:00.001+01:00

A BIBLIOTECA DE LIBRUXA on PhotoPeach
Recomendamos ver o libro coa opción de pantalla completa.

CELEBRAMOS O SAMAÍN

2010-11-08T13:24:00.004+01:00

O venres 29 de outubro celebramos o SAMAÍN.

Decoramos as cabazas, as aulas e os pasillos e, ademais ¡¡¡pintámonos de monstros!!!.

Xa para rematar tod@s as alumn@s e profesor@s cantamos a canción de MAMÁ CABRA.

¡¡¡QUE BEN O PASAMOS!!!

É TEMPO DE MAGOSTO

2010-11-07T18:13:00.005+01:00

O próximo venres, día 12 de novembro, celebramos o MAGOSTO e como LIBRUXA sabe que estamos investigando sobre COMER SANO, invitou a VILMA LEIVAS ao cole. Naide mellor que ela para elaborar mermeladas con froitos da súa horta que xa visitaran as nenas e nenos do 2º ciclo.
Faisenos a boca auga só pensando no ricas que van estar.

Ademais teremos outros talleres, xogos e non poden faltar AS CASTAÑAS ASADAS.

En Libruxa atoparás recursos para traballar e saber máis do Magosto.

2010-11-07T15:53:00.004+01:00

Interesante documento que servirá como instrumento de reflexión tanto para pais e nais como para fillos e fillas no proceso de adquisición de condutas responsables.

CENTENARIO NACEMENTO MIGUEL HERNÁNDEZ

2010-10-24T17:22:00.011+02:00

MIGUEL HERNÁNDEZO próximo sábado, día 30 de outubro, celébrase o centenario do nacemento do poeta MIGUEL HERNÁNDEZ

No Lar de Frianciño ofrécennos unha presentación baseada nun poema de Carmen Gil titulado Miguel Hernández para niños

Miguel Hern�ndez

See more presentations by Friancinho Upload your own PowerPoint presentations

MOCHILAS VIAXEIRAS

2010-10-20T21:31:00.004+02:00

Por fin LIBRUXA xa ten listas as Mochilas Viaxeiras!!! Este curso tivo máis traballo xa que pon en camiño once mochilas.

As familias atoparán poesía, literatura infantil, libros con música, libros temáticos que facilitarán o diálogo cos seus fillos e fillas. Poderán disfrutar deles durante 8 días e no caderno anotarán suxerencias e opinións que dende o equipo da biblioteca, agradeceremos moito.

DISFRUTEN LENDO XUNT@S !!!!!

PAN CON TOMATE

2010-10-19T23:12:00.004+02:00

Despois da visita á horta, as nenas e nenas do 2º ciclo de Primaria decidiron elaborar unha receta con un dos ingredientes que recolleron alí. Ao principio estaban un pouco escéptic@s con respecto se a probarían ou non, pero foi un verdadeiro éxito xa que repetiron ata agotar existencias.

Algúns xa incluiron o PAN CON TOMATE na súa merenda.

VISITAMOS UNHA HORTA

2010-10-19T22:05:00.007+02:00

O alumnado de 2º ciclo achegámonos a Mondoñedo onde visitamos unha horta. Alí Vilma e Xulio nos explicaron como cultivan, recollen e comercializan tomates, leitugas, xudías, berenxenas, fabas...Todas estas verduras e hortalizas son ecolóxicas, é dicir, que para o seu cultivo non se empregan produtos químicos que contaminen.
Vilma tamén nos explicou que fan mermelada de amorodo e de mora.
Trouxemos a proba de todo!!!
Á volta paramos en Lourenza e visitamos o Museo da Faba. Gustounos moito a maqueta da zona e as ferramentas que utilizan os nosos abós para labrar as fabas.
Aquí tedes unhas fotos que vos darán idea de todo o que fixemos.

SAMAÍN

2010-10-13T19:02:00.004+02:00

Como sen enterarnos, o OUTONO xa está aí. É tempo de castañas, noces, cogumelos, cabazas ...

Dende o CEIP Víctor Sáez en Mazaricos chega esta excelente recopilación de recursos para traballar o SAMAÍN.

Preme AQUÍ para acceder a eles.

"Capacidade de adaptación aos retos e á diversidade: todo está na Biblioteca Escolar"

2010-10-11T09:59:00.006+02:00

Un ano máis, a IASL (International Association of School Librarianship) difunde un cartel e un lema para poñer en valor, no mes de outubro dunha forma intensiva, as bibliotecas escolares.

Fai fincapé nos recursos que as bibliotecas escolares proporcionan ao alumnado e ao profesorado nese difícil asunto da adaptabilidade, da capacidade de enfrontar novos desafíos, novos retos; de enfrontar con éxito a diversidade individual e a pluralidade e complexidade que as aulas presentan.

"Biblioteca escolar: un mundo de oportunidades"

2010-10-11T09:53:00.002+02:00

100 ANOS DE LEO LEONNI

2010-10-07T13:44:00.004+02:00

LEO LEONNI (1910-1999)
Celébrase o centenario do nacemento deste autor, cuxas obras están presentes na nosa biblioteca.

Volvamos a emocionarnos lendo a

Frederick

Nadarín

Pequeno Azul Pequeno Amarelo

A casa máis grande do mundo

LECTURA EN FAMILIA

2010-09-29T13:10:00.003+02:00

Dentro duns días AS MOCHILAS VIAXEIRAS comezarán a súa viaxe e irán cheas de materiais para que toda a familia comparta e disfrute momentos de verdadeiro gozo.
As compañeiras da biblioteca Ceip Andrade comparten este Decálogo de lectura que recolle a importancia da lectura en familia.

Decálogo Lectura

View more presentations or Upload your own.

CONSELLOS PARA EDUCADORES

2010-09-09T12:26:00.008+02:00

Como nais, pais e educador@s preocupámonos pola educación dos nosos fillos e fillas.

Vexamos este video que nos recorda algúns consellos que seguro non nos virán de máis.

10 DE SETEMBRO: COMEZA UN NOVO CURSO

2010-09-09T12:01:00.006+02:00

Iniciamos un novo curso escolar e recibimos nun acto de benvida a todo o alumnado acompañado das súas familias.
A partires das 10h. alumnado de PRIMARIA e a partires das 11h. alumnado de INFANTIL

PASEO A CANGAS

2010-06-24T13:05:00.010+02:00

E PARA DESPEDIR O CURSO FIXEMOS UNHA CAMIÑATA ATA CANGAS.
CANSAMONOS UN POUCO PERO PASÁMOLO MOI BEN.
LIBRUXA DESÉXAVOS UN BO VERÁN!

FESTIVAL FIN DE CURSO

2010-06-24T12:05:00.003+02:00

Aquí tedes unha mostra do festival fin de curso. Foi moi variado: teatro polo alumnado de Infantil, recital de poesías de Uxío Novoneyra a cargo dos nenos e nenas de 3º curso e coreografías dos demais cursos. Familias, alumnado e profes pasárono moi ben.

A Flor Máis Grande do Mundo

2010-06-22T18:23:00.003+02:00

Unha curta que me parece unha xoia! É un relato para nenos/as e para maiores, con debuxos animados, que se chama " A flor máis grande do mundo ".Está escrito e contado por JOSÉ SARAMAGO.
Dende LIBRUXA vai esta cariñosa homenaxe a este escritor que faleceu o venres pasado.

CHARO PITA e ÓSCAR VILLÁN

2010-06-09T13:56:00.010+02:00

Óscar Villán e Charo Pita chegaron á nosa biblioteca . Contaron historias con palabras, con diferentes ritmos e sons e tamén con moitas imaxes que Óscar capturaba das nubes e, por maxia, as representaba na pizarra.
Deixáronnos un precioso agasallo.

MOCHILAS VIAXEIRAS

2010-06-09T13:36:00.003+02:00

As MOCHILAS VIAXEIRAS remataron, por este curso , a súa vaixe. LIBRUXA recibiunas na biblioteca e soubo da boa acollida que tiveron entre as familias e o alumnado.

"PARECEUNOS UN PROXECTO MOI INTERESANTE, UNHA BOA MANEIRA DE FOMENTAR A LECTURA NOS NENOS E NENAS CA PARTICIPACIÓN DOS MAIORES", este é un dos comentarios recollidos nos cadernos que acompañaban as mochilas.

LETRAS GALEGAS

2010-05-24T16:09:00.002+02:00

COLABORACIÓN DAS FAMILIAS

2010-05-24T15:56:00.008+02:00

Queremos darlles as grazas as familias pola boa acollida á proposta de traballo feita dende a biblioteca de ilustrar plasticamente o poema FONTIÑA DE CARABEL de UXÍO NOVONEYRA.

Aquí tedes unha pequena mostra dos traballos recibidos e dos que os nenos e as nenas móstranse moi orgullosos por telos compartido coa súa familia.

O FALAR DAS FADAS

2010-05-20T13:26:00.006+02:00

Preme na imaxe para ler o poema de Valentín Lamas Carbajal.
Onte, hoxe, mañá, apostaremos pola nosa lingua.

AS FOLLAS FALAN DE UXÍO NOVONEYRA

2010-05-10T13:52:00.006+02:00

Enciñamos as follas que removeu o vento dende a biblioteca do IES de Fene.
Ímolas pegar nos troncos das árbores que as están esperando na entrada do noso cole. Recoñecedes a que árbores pertencen?
UXÍO NOVONEYRA paseaba por entre elas e por iso saben e contannos algunhas das súas poesías.
A compañeira Olga de Bibliocole achéganolas neste fermoso traballo.

POEMAS DE NOVONEYRA PARA RECITAR

2010-05-09T22:09:00.004+02:00

Dende a Bibliotecadocole chéganos unha escolma de poesía de NOVONEYRA para recitar. É un fermoso traballo feito polo ENDL do colexio de Quintela, que seguro que aproveitaremos.
Grazas compañeiras.

DÍA DO LIBRO

2010-05-03T13:42:00.005+02:00

Esta é unha pequena mostra dos traballos realizados en torno ao DÍA DO LIBRO.

Na biblioteca fixemos actividades de formación de usuarios: buscar títulos, portadas, ilustracións...Quedaron uns traballos preciosos, destacando os feitos polas nenas e nenos de Infantil.

E, dentro das nosas posibilidades, estivemos con todas as biblios na actividade PARA QUE LES?. Foron moitas e sorprendentes as respostas.

XABIER P. DOCAMPO, TODO UN PLACER

2010-04-29T19:54:00.007+02:00

Unha das actividades programadas con motivo do DÍA DO LIBRO era a visita de XAVIER P. DOCAMPO, e hoxe estivo con nós.

Deixounos unha mensaxe moi clara: LEMOS PARA PENSAR. Contounos o conto de Carrapuchiña e foinos facendo preguntas sobre os feitos que pasan no conto, e así descubrimos moitas cousas nas que non nos fixáramos ata hoxe. Fíxoo dunha maneira moi divertida e rímonos un montón.

Díxonos que todas as historias que escribe, dalgunha maneira, son cousas que lle pasan a el; sempre leva un caderno no peto e vai anotando cousas que despois recolle nos seus libros. Sempre escribe en galego porque é a súa lingua, dixo, aínda que fala dúas ou tres máis. Así ten a riqueza de poder escoller no que quere falar.

Escribiu na libreta de convidados de Libruxa e tamén asinou o libro de BOLBORETAS.

ENTREGA DE AGASALLOS DO DÍA DO LIBRO

2010-04-29T19:21:00.008+02:00

O alumnado participante na búsqueda do tesouro organizado polas monitoras de Gaia xunto con Libruxa con motivo do DÍA DO LIBRO, recibiu o seu agasallo.

Así de felices estaban os cursos de 1º, 2º e 3º cos seus regalos.

ELES E ELAS TAMÉN LEN

2010-04-21T13:45:00.007+02:00

Para que les? é o título dunha iniciativa do Clube de Lectura da ONG Implicadas no Desenvolvemento. Esta proposta foi recollida por un gran número de bibliotecas escolares galegas que contribuiron coas súas achegas á montaxe dunha exposición para o Día mundial do Libro e dos Dereitos de Autor, na que moitas persoas pertencentes a diferentes eidos da cultura, persoas anónimas, mestres/as e alumnos/as explican as razóns para ler e o que a lectura proporciona ás súas vidas. Todo este traballo foi coordinado por Loly Lago do Ies de Fene e Charo Sánchez Gabriel do Ies Sánchez Cantón de Pontevedra. Olga Rodríguez, do Ceip Milladoiro de Malpica, coordinou o traballo de recompilación de textos e fotos de persoas famosas con profesións moi diferentes que nos contan que ELES E ELAS TAMÉN LEN

Aquí tes o resultado

LETRAS ANIMADAS

2010-04-18T17:52:00.002+02:00

Coas letras sempre podemos disfrutar

Grazas Julia por facérnolo chegar

VISITA DE ABRAHAM CARREIRO

2010-04-18T17:42:00.009+02:00

Os nenos e nenas do 3º ciclo de Primaria despois do encontro con ABRAHAM CARREIRO, comentan:

Aprendimos moito cos seus debuxos e consellos

Pareceunos xenial que viñera ao colexio e que nos ensinara os seus trucos

DISFRUTAMOS UN MONTÓN E DEIXOUNOS MOITOS DEBUXOS

LETRAS GALEGAS

2010-04-18T11:11:00.006+02:00

Estamos no mes de abril e andamos mergullad@s nos libros, pero despois ven maio e aí están as LETRAS GALEGAS.

Como nas Bibliotecas Escolares hai xente incansable, xa podemos contar con material axeitado para achegar a figura de UXÍO NOVONEIRA a cada ciclo.

Actividades LIM do Ceip Frian para:

Infantil e 1º Ciclo de Primaria

2º e 3º Ciclo de Primaria

Recopilación de materiais de diferentes colexios

Todo este material seranos de gran axuda. Grazas.

BÚSQUEDA DO TESOURO

2010-04-18T09:44:00.011+02:00

As nenas e nenos de 1º, 2º e 3º curso están moi atarefas@s buscando as pistas que apareceron no taboleiro á entrada da biblioteca. Tamén lles deixaron dúas caixas con libros. Parece ser que teñen que adiviñar personaxes deses contos.

O venres, a pista para 1º e 2º dicía: ten varios protagonistas

para 3º era: falamos dun animal

cal será a do luns?

1º e 2º: pertence ao mundo animal

3º: ten un título longo

a do martes é:

1º e 2º: non viven na praia e tampouco na cidade

3º: parece ser que xa non é novo

estamos en mércores:

1º e 2º un é grande, o outro é mediano e o último pequerrecho

3º: o seu dono atopou algo que outro neno non quería

este animal non ten rabo

e chegamos ao xoves. Aquí tes as pistas por se as necesitas:

1º e 2º: alguén entrou na súa casa

3º: dícese que é o mellor amigo do home

WEBQUEST DÍA DO LIBRO

2010-04-12T19:46:00.003+02:00

Dende o CEP CESPÓN chéganos unha webquest para o Día do Libro e para traballar en 2º e 3º ciclo de primaria.

Grazas

DÍA DO LIBRO

2010-04-12T19:21:00.007+02:00

Presentámosche unha das actividades para facer na biblioteca ao longo deste MES dos libros.

Atoparás catro grupos de libros do teu ciclo e por parellas escolleredes un grupo de libros e cubriredes a ficha que vos propoñemos. Podedes escoller:

TÍTULO MÁIS CURIOSO

PORTADA MÁIS FERMOSA

ILUSTRACIÓNS MÁIS FERMOSAS

ASPECTO MÁIS ATRACTIVO: tamaño, forma

Os nenos e nenas de E. Infantil escollerán a portada que máis lles guste.

Tod@s os participantes recibirán un agasallo e os cos libros gañadores faremos unha exposición

MES DO LIBRO

2010-04-07T20:02:00.013+02:00

ACTIVIDADES DE PROMOCIÓN DA LECTURA E DA CREATIVIDADE PROGRAMADAS POR LIBRUXA PARA ESTE TRIMESTRE:

Día 13 de abril:

Abraham Carreiro (ilustrador)

Falaranos da elaboración de personaxes, expresións corporais, as cores e todo o que rodea o proceso da ilustración.

Día 29 de abril: Xabier P. Docampo (Escritor, contacontos...)

Será un pracer escoitar a voz dalguén que escribiu tantos libros e recibiu tantos premios.

Día 3 de xuño: Charo Pita (escritora, narradora)

Óscar Villán (ilustrador)

Presentarannos As ollofábulas.

Óscar dá cor e forma as palabras e Charo pon aceno e voz ás imaxes.

De tod@s estes persoeiros atoparás libros na biblio do cole. LIBRUXA recopilounos e colocounos no espazo das novedades para que poidas acceder a eles máis comodamente. Tamén atoparás breves reseñas dos autor@s e ilustradores.

ILUSTRANDO A LECTURA

2010-04-05T16:57:00.001+02:00

Na biblio O RECANTO DE MIK podemos disfrutar dun fermoso traballo ILUSTRANDO LECTURA que mostra unha colección de ilustraccións que nos farán soñar a peques e grandes.
Preme AQUÍ para velo.
Grazas por tan magnífico traballo.

ABRIL, MES DO LIBRO

2010-04-05T14:58:00.009+02:00

O mes de abril ten dúas datas especiais nas que son protagonistas os libros. Unha, o día 2, na que se

celebra o Día Internacional do Libro

Infantil e Xuvenil, en cuxo cartaz

deste ano lemos:

UN LIBRO ESPERA POR TI; BÚSCAO!

e outra o día 23,

Día Mundial do Libro e dos Dereitos de Autor.

As bibliotecas escolares e tamén LIBRUXA, teñen preparadas actividades para estas datas.